Қызылордада 56 жастағы ер адам Сырдария өзеніне батып кетті, деп хабарлайды Egemen.kz.
Оқыс оқиға 9 мамырда Қызылорда қаласынан 40 шақырымдай қашықтықта орналасқан Көкжиде стансасы аумағында болған.
Кірпіш зауытында жұмыс істейтін 1966 жылғы азаматтың Сырдарияға батып кеткені жөнінде хабар сағат 16:40 шамасында түскен.
«Оқиға орнына жедел құтқару жасағынан 6 қызметкер 1 техника және 1 моторлы қайықпен барды. Құтқарушылар тарапынан іздестіру жұмыстары басталды. Ол 9 мамырда 20:00 шамасында тоқтатылып, бүгін 10 мамырда 7:30 шамасында қайта жалғасты. Оның мәйіті 14:00 шамасында батқан жерінен 20-25 метрдей қашықтықта табылды», деп мәлім етті облыстық төтенше жағдайлар департаменті өрт сөндіру және авариялық-құтқару қызметінің баспасөз хатшысы Әлия Ережепова.
Аяна Тоғанбек