Осыдан 21 жыл бұрын Елбасының Моңғолияға жасаған алғашқы сапарында толғау жырын шырқаған 17 жасар Меруеш қыз қазір Қарағандыда тұрады екен. Меруешті редакцияға шақырып, толғауды тағы бір тыңдадық.
«Баян-Өлгий аймағының Мизамхан бастаған азаматтары Қазақстан делегациясына қонақасы беруді парыз санапты. Көк тәңірі резиденциясының ішінен олар да 12 қанат қазақы киіз үй тігіпті. Үйдің ою-өрнегі айтып жеткізгісіз. Сол жерде үкілі домбыра алып, өзі де үлбіреп тұрған Меруеш Башайқызы деген қарындасымыз Қазақстан Президентіне арнау айтты. Президент талай арнауды естіп жүргені белгілі. Бірақ атажұрттан алыстағы жұрттың сағынышы, аңсауы, өксігі, өкініші, үміті, болашағы жатқан бұл арнаудың жөні бөлек болды. Наз да бар, базына да бар, тілек те бар, қайсарлық та бар. Бәрі-бәрі даусы ерен, әні ерен, сөзі ғаламат осы арнаудан табылар еді. Бұл Елбасының 1993 жылдың күзінде Моңғолияға жасаған сапарының барысын «Егемен Қазақстанда» жариялаған Қайнар Олжайдың сапарнамалық очеркінен үзінді.
Cұңғат ӘЛІПБАЙ,
Суреттерді түсірген Ерлан ОМАРОВ