Дала төсіндегі дүбір

Ауыл шаруашылығы ми­нис­­тр­лігі Өсімдік шаруа­шы­лығы де­пар­таментінің директоры Азат Сұл­тановтың айтуын­ша, егіс нау­қанын оңтайлы және уақтылы өткізу үшін мем­лекет тарапынан тиісті шаралар қабылданған. Биыл шар­уаларға бұрын-соңды бол­ма­ған көмек көрсетіліп жатыр.

– Президент Қасым-Жомарт Тоқаев­тың тапсырмасы­на сәй­кес, ауыл шаруа­шы­лы­ғын қаржы­лан­ды­ру көлемі ұл­ғай­­тыл­ды. Бұл елдің азық-тү­лік қауіпсіздігін сапалы қам­тамасыз етуге мүмкіндік береді. Агроөнеркәсіп кешенін мем­лекеттік қол­дауға бөлінген қосымша қаражатты ескере отырып, республикалық бюд­жет­ті нақтылау нәтижелері бойынша 449 млрд теңге көз­дел­ген, – деді А.Сұлтанов.

Бір ғана өсімдік шаруа­шы­лы­ғының өзіне 107,2 млрд теңге ба­ғытталады. Сон­дай-ақ әлеу­мет­тік нан өндірісінің ма­ңыз­­ды­лы­ғын ескере отырып, астықты субсидиялау үшін 9,2 млрд теңге көзделген.

Әкімдіктердің деректеріне сүйенсек, биыл жалпы егіс алаңы 23 млн гектарды құрап отыр. Бұл былтырғы деңгейден 105 мың гектарға көп.

Сондай-ақ биыл жемшөп дақыл­да­ры­ның алаңын 3,6 млн гектарға ұлғайту жоспарланып отыр. Бұл жемшөпті көбірек өн­діруге және мұқ­таж өңірлерді қам­­та­масыз етуге мүмкіндік бере­ді. Соны­мен қатар картоп, күн­бағыс, көкөніс, яғни әлеу­мет­тік да­қыл­­дар егілетін алқаптар да ұл­­ғайтылды. Осы жылдың өні­­міне егіс науқанын жүргізу үшін 2,3 млн тонна тұқым себілді.

– Егіс жұмыстары барлық об­лыста қызу жүргізіліп жатыр. Атап айтқанда, әзірше 2,9 млн гектарға жаздық дақылдар, оның ішінде 1,5 млн гектарға майлы да­қылдар, 231,2 мың гектарға дән­дік жүгері, 309,6 мың гектарға көп­жылдық шөп­тер, 133,4 мың гек­та­р­ға кар­топ, 128,7 мың гек­тар­ға кө­көніс егілді, – деді департамент директоры.

Ауыл шаруашылығы тауар өндіру­ші­ле­рін тыңайт­қыш­тармен қамтамасыз ету жұмыстары да ойдағыдай. Биыл барлығы 670 мың тоннадан астам тыңайтқыш ен­гі­зу жоспарланған. Қазір 308,1 мың тонна немесе жос­пар­дың 46 пайызы тиелді.

– Үкімет қолдауы арқы­лы отан­д­ық ми­нералды тыңайт­қыш­­тарды өн­ді­ру­ші­лермен агра­рий­лердің қажет­ті­лік­терін қам­та­­масыз ету туралы уағда­лас­­тыққа қол жеткізілді. Аммиак селитра­сының бағасы 200 мың тең­ге­ден 160 мың тең­геге дейін тө­мендеді. Тыңайт­қыш­тар баға­сын төмен­дету бойынша қосым­ша жұмыстар жалғасуда, – деп нақтылады ол.

Қазіргі егіс науқанына 144 мың трактор, 4,7 мың бірлік жоғары өнімді егіс кешені, 77 мың бірлік астық сепкіш, 221 мың басқа да топырақ өңдеу құралдары қолданылуда.

Егіс жұмыстарын жүргізу үшін 400,2 мың тонна дизель отыны бөлінді. Былтыр 380 мың тонна қарастырылған еді. Сондай-ақ биыл көктемгі дала жұмыстарын жүр­гі­зуді қар­жы­лан­дыру үшін 140 млрд тең­ге көлемінде бюд­жет­тік несие бөлінді. Ас­тық­ты форвардтық сатып алу шеңберінде 80 млрд теңге көзделген.

– Көктемгі дала жұмыс­та­рын та­бысты жүргізу Ауыл шар­уа­шы­лығы минис­трлі­гі­нің тұрақты және ерекше бақы­ла­уын­да екенін атап өту керек. Осы мақсатта ми­нис­­трлікте көктемгі дала жұ­мыс­та­рын жүр­гізудің барлық мә­се­лесін уақтылы шешуге арнал­ған жедел штаб құрылып, аталған бағыттағы жұмыстарға ерекше мән берілген, – деді А.Сұлтанов.