Синоптиктер 6 маусымға арналған ауа райы болжамын ұсынды. Қазақстанда қатты жаңбыр, найзағай, бұршақ, дауыл, желдің күшеюі, тұман және шаңды дауыл күтіледі, деп хабарлайды Egemen.kz.
«Қазақстанның басым бөлігінде тұрақсыз ауа райы күтіледі: найзағай, бұршақ, дауыл, батыста қатты жаңбыр жауады. Еліміздің солтүстігінде, оңтүстік-батысында ғана жауын-шашынсыз ауа райы күтіледі. Республика бойынша желдің күшеюі, солтүстікте, шығыста – тұман, оңтүстік-батыста – шаңды дауыл күтіледі», делінген «Қазгидромет» РМК хабарламасында.
Түнде Шығыс Қазақстан облысының солтүстік-шығысында, шығысында найзағай, тұман, оңтүстік-батысында, оңтүстігінде желдің жылдамдығы 15-20 м/с жетеді.
Алматы облысының шығысында-жел 15-20, екпіні 25 м / с, күндіз таулы аудандарда найзағай ойнайды.
Қостанай облысының батысы мен оңтүстігінде найзағай, күндіз шығыста желдің жылдамдығы 15-20 м/с жетеді.
Ақмола облысының оңтүстігінде, батысында - найзағай, түнде және таңертең солтүстікте – тұман, күндіз батыста – 15-20 м/с жел күшейеді.
Жамбыл облысының солтүстік - шығысында, таулы аудандарында жел 15-20 м/с күшейеді, күндіз таулы аудандарда найзағай, бұршақ, дауыл күтіледі.
Күндіз Түркістан облысының тауларында найзағай ойнап, жел 15-20 м/с күшейеді.
Түнде Павлодар облысының солтүстігінде тұман түседі.
Күндіз солтүстікте, Маңғыстау облысының орталығында - найзағай, шаңды дауыл, солтүстікте, оңтүстікте, орталықта күндіз жел 17-22, екпіні 25 м/с күшейеді.
Түнде Ақтөбе облысының солтүстігінде, оңтүстігінде найзағай ойнап, жел 15 м/с күшейеді.
Қарағанды облысының шығысында, орталығында найзағай ойнап, жел 15-20 м/с күшейеді.
Батыс Қазақстан облысының оңтүстігінде, солтүстік-батысында, орталығында найзағай, бұршақ, дауыл, күндіз оңтүстікте, солтүстік-батыста, шығыста, орталықта желдің жылдамдығы 15-20 м/с жетеді.
Күндіз оңтүстікте, Атырау облысының орталығында найзағай, дауыл, жел 15-20 м/с күшейеді.
Түнде және таңертең Солтүстік Қазақстан облысының оңтүстігінде тұман түседі.
Сондай-ақ синоптиктер күндіз Атырау, Ақтөбе облыстарының оңтүстігінде қатты ыстық күтіледі. Батыс Қазақстан облысының оңтүстігінде, солтүстігінде, Ақтөбе орталығында, Павлодар облысының орталығында төтенше өрт қаупі бар.