Белгород облысының Корочан ауданында Ресей әуе күштерінің Су-25 шабуылдаушы ұшағы апатқа ұшырады, деп хабарлайды Egemen.kz Батыс әскери округінің баспасөз қызметіне сілтеме жасап.
«17 маусымда Су-25 ұшағы жоспарлы оқу-жаттығу ұшуы кезінде Белгород облысында апатқа ұшырады», делінген хабарламада.
Оқыс оқиға кезінде ұшқыш парашютпен секіріп үлгерген. Әскери қызметші зардап шеккен жоқ.
Болжам бойынша, оқиға техникалық ақаудан болған. Оқиға орнында штабтың комиссиясы жұмыс істеп жатыр. Ұшақ бос жатқан алқапқа құлап, жарылды.