Сенат депутаты Динар Нөкетаева Алматы қаласына жұмыс сапары кезінде депутаттардың назар аударуын талап ететін мәселелер аясында оқу орындарының жұмысымен танысу мақсатында Азаматтық авиация академиясына барды.
Кездесу барысында сенаторға жоғары оқу орындарының жұмысы мен даму жоспары таныстырылды. Парламент мүшесі сонымен қатар Қазақ ұлттық аграрлық зерттеу университетінде де болды. ҚазҰАЗУ ғалымдары университет зерттеушілерінің ауыл шаруашылығы және орман ресурстары саласындағы соңғы ғылыми жаңалықтары туралы айтып берді.
Сенатор жоғары оқу орындарының жұмысымен және сөз алушылардың таныстыру тұрғысындағы баяндамаларымен танысты және университеттің аграрлық ғылымды дамыту мен еліміздің агроөнеркәсіп кешеніне білікті кадрлар даярлауға қосқан елеулі үлесін атап өтті.
Алматы