Қымыздан асқан дәм бар ма?!

Осы еңбегінде автор қазақ­тың ұлттық кодында ежелден бар қасиетті сусын қымыз екенін көптеген фактімен айғақтайды. Ғалым қазіргі жаһандану заманында мал шаруашылығы­ның маңыздылығын, оның ішінде ұлттық сусын – қымыздың ха­лыққа ерекше қажет әрі шипалы қасиеттерін ғылыми, сон­дай-ақ әдеби деректермен тү­йін­дейді.

«Төлеуғазы Сейсенұлымен әріптес ретінде жақын араласып, достық қарым-қаты­на­сымыздың қалыптасуы оның институтқа оралып ұстаз­дық қызметті бастаған ке­зең­ге, яғни бүкіл қоғамды үл­кен тү­бегейлі өзгерістерге әкел­ген 80-ші жылдардың аяғы­на сәйкес келді. Оның ауыл ша­руашылығы саласына қосқан үлесі көп. Әсіресе саланы ғы­лыми тұрғыда дамытудың түр­лі жолдарын ұсына білген кә­сіби маман ретінде өзін та­ныт­ты. «Жақсының аты, ға­лымның хаты өлмейді», де­мек­ші Төкең арамыздан кетке­ні­­мен оның қалдырып кеткен шы­ғар­машылық мұрасы ұлтымыз­ға әлі біраз уақыт пайдасын тигі­зетініне шүбә келтірмейміз. Оның жарқын дәлелі ретін­де «Қымыздан асқан дәм бар ма?!» атты еңбегін келтіруге бо­­лады. Бұл монографияны толы­ғымен оқып шықтым. Шы­нын айтқанда, мұндай кітап­тың жа­рық көргеніне риза болдым. Неге десеңіз, аталған ең­бек ауыл шаруашылығы са­ла­­сында ізденіс үстіндегі ға­лым­­дарға таптырмас құралға айна­латы­нына сенімдімін. Сол се­кіл­ді ата кәсіпті дамытуды көз­деген ша­руаларға қолғабыс ете­ті­ні күмән­сіз», деді Манаш Қозы­баев атындағы тари­хи зерт­теу­лер ғылыми орта­лығы­ның ди­рек­­торы Мұхтарбек Кәрімов.

Төлеуғазы Сейсенұлы ұзақ жылдар ауыл шаруашылығы саласында, сондай-ақ Семей­дегі зооветеринарлық инсти­тут­та ұстаздық қызметте жұ­мыс істеген. Бұған қоса «Қаз­АгроҚаржы» АҚ-да жауап­ты қызмет атқарған. Көп жыл­ғы еңбегі еленіп, Ауыл шаруа­шылығы саласының үз­ді­гі, ауыл шаруашылығы ғылым­дарының кандидаты, Халық­ара­лық Ақпараттандыру Акаде­миясының академигі атанған. Ғалымның жарық көрген ғы­лыми монографияның тұтастай таралымы – 350 дана.

Абай облысы