Индустрия және инфрақұрылымдық даму министрлігінің басшысы Қайырбек Өскенбаев Қазақстанда отандық ауыл шаруашылығы техникасын сатып алу үшін жеңілдетілген несие пайда болатынын айтты, деп хабарлайды Egemen.kz.
Ауыл шаруашылығы техникасы паркін жаңарту ағымдағы лизингтік қаржыландыру бағдарламасы шеңберінде жүзеге асырылады.
Мемлекет басшысының тапсырмасы бойынша Индустрия және инфрақұрылымдық даму министрлігі экология, геология және табиғи ресурстар министрлігімен бірлесіп, ӨКМ қаражатын пайдалана отырып, ауыл шаруашылығы техникасын сатып алу үшін жеңілдетілген кредит беру тетігін енгізу мәселесін пысықтауда.
Биыл бағдарламаны іске асыруға 3,5 млрд теңге қарастырылған, микширлеуді ескере отырып, лизингтік қаржыландыру көлемі 7 млрд теңгені құрайды.