Серіктестік қатысушыларының жалпы жиналысының шешімі бойынша «Атырау мұнай өңдеу зауыты» ЖШС бас директоры қызметіне Мұрат Әбиұлы Досмұратов тағайындалды, деп хабарлайды Egemen.kz «ҚазМұнайГаз» ұлттық компаниясының баспасөз қызметіне сілтеме жасап.
«Атырау МӨЗ» ЖШС жаңа басшысын кәсіпорын ұжымына «ҚазМұнайГаз» ҰК АҚ басқарма төрағасының мұнай және мұнай химиясын өңдеу жөніндегі орынбасары Арман Қайырденов таныстырды.