Колумбия округінің денсаулық сақтау министрлігі мамыр айынан бері маймыл шешегі вирусын жұқтырудың 122 жағдайы анықталғанын мәлімдеді, деп хабарлайды Egemen.kz Breitbart News сайтына сілтеме жасап.
Вашингтонда маймыл шешегі ауруына шалдыққандардың 96%-ы ер адамдар, көп жағдайда бұл 30 жастан асқан ер адамдар.
Осы уақытқа дейін Колумбия округі маймыл шешегі вирусына қарсы 8300 вакцина алды. Келесі аптада тағы 4 мың дозасы жеткізіледі деп жоспарлануда. Вашингтон мэрі Мюриэль Баузер округке 100 мың вакцина қажет екенін айтты.
Ауруларды қадағалау және алдын алу орталықтарының мәліметінше, АҚШ-та вирус жұқтырудың 1 972 жағдайы тіркелген. Елде жан басына шаққандағы инфекциялар саны бойынша Колумбия штаты көш бастап тұр. 18 шілдедегі жағдай бойынша, тіркелген жағдайлардың ең көп саны Нью-Йоркте (521), Калифорнияда (267), Флоридада (180) және Иллинойста (200) болды.
Бүгінге дейін маймыл шешегі әлемнің 60-тан астам елінде анықталған.