Орталық Азия мемлекеттері басшыларының IV Консультативтік кездесуінде Президент Қасым-Жомарт Тоқаев қоршаған ортаны қорғау жөніндегі жобалық офисін құруды ұсынды, деп хабарлайды Egemen.kz.
«Қырғызстанның 2022 жылды Халықаралық тұрақты тау-кен даму жылы деп жариялау туралы бастамасын құптаймыз. Сонымен қатар Тәжікстанның 2025 жылды Халықаралық мұздықтарды сақтау жылы деп жариялау туралы ұсынысын уақытылы деп санаймыз. Күш-жігерімізді біріктіргенде ғана Орталық Азиядағы климаттың өзгеру салдарын еңсеруге болады», деді Қасым-Жомарт Тоқаев.
Осы орайда ол бірлескен іс-қимылдарды үйлестіру үшін Орталық Азия елдерінің қоршаған ортаны қорғау және өңірде климаттың өзгеруі жөніндегі келісілген саясатты жүргізу жөніндегі жобалық офисін құруды ұсынды.