Ядролық сынақтарға қарсы халықаралық іс-қимыл күні қарсаңында Мемлекет басшысы Twitter-дегі парақшасында Қазақстанның ядролық қауіпсіздік қағидаттары жайлы жазды, деп хабарлайды Egemen.kz.
«Бүгін – Ядролық сынақтарға қарсы халықаралық іс-қимыл күні. Бұл күннің бүкіл адамзат үшін мән-маңызы айрықша. Қасиетті қазақ жері атом сынағынан орасан зор зардап шекті. Мұндай қасірет ешқашан қайталанбауы керек. Қазақстан ядролық қауіпсіздік қағидаттарын әрдайым берік ұстанады», деп жазды Президент.