Қазақстан ұлттық құрамасы Біріккен Араб Әмірліктері командасымен жолдастық кездесу өткізеді, деп хабарлайды Egemen.kz Қазақстан футбол федерациясына сілтеме жасап.
19 қараша күні Абу-Даби қаласында өтеді. Нақты уақыты мен стадионы әзірге белгісіз.
Айта кетейік, Біріккен Араб Әмірліктері ФИФА рейтингінде 69-орында орналасқан. Бұл команданың Қатарда өтетін Әлем чемпионатына шығуына мүмкіндік болған еді. Дегенмен соңғы шешуші ойынында Аустралияға 1:2 есебімен жол берді.
Команданың ең жоғары жетістігі – 1990 жылғы әлем чемпионатына қатысқаны және 1997 жылы Азия кубогының күміс жүлдесі.
Бұған дейін Қазақстан және БАӘ өзара үш рет кездескен.