Халықаралық институттардағы дипломатиялық қарым-қатынастардың босаңсуына қарамастан дінаралық байланыстардың маңыздылығын жоғары қоямыз. Ғылыми-технологиялық прогрестің дамуы барысында өркениетаралық қақтығыстардың жөнсіздігі айқын көрінеді.
Қазақ жерінде өткен съезге әлемнің түкпір-түкпірінен көптеген дін өкілінің қатысуы олардың бейбітшілікке деген ынтасын, Қазақстанның баянды байланыстың алтын көпірі екенін айқындай түсті. Бұл алаңда қатысушылар ой-пікірін ортаға салып, ынтымақтастықтың іргетасын нығайтуға жол ашылмақ. Өзінің сапалық деңгейін арттыра түскен бұл дәстүрлі форум – әлемнің діни-экономикалық және саяси мәселелері ушығып тұрған уақытта мәдениеттер мен өркениеттер арасын жалғап, олардың тіл табысуына, бір-бірімен ымыраға келіп, ынтымақтастығын күшейтуге бағытталған іс-шара. Өткен кезеңдерде туындаған алмағайып саяси оқиғалар мен діни қырғи-қабақ қақтығыстар, көпконфессиялы қоғамдағы проблемалар әлі күнге дейін өз шешімін күтіп, өзектілігін жоймай келе жатыр. Сол себепті дәстүрлі дін өкілдері бір-бірін жатсынбай, дінаралық диалог алаңында өздерін толғандырған мәселелер туралы ортақ ой өрбітуге ниетті.
Қазіргі уақытта Қазақстан дипломатиялық елдердің бірі болып табылып, мәселелерді бейбіт жолмен шешуге барлық мемлекеттерді шақырады. Мұнда ұлтаралық және конфессияаралық келісімді нығайту және сақтаудың өзіндік моделі қалыптасты. Әрбір көпұлтты мемлекеттің басты бағыты – өзара түсінушілік пен келісім. Маңызды іс-шарада бейбітшілік пен тұрақтылықты нығайтуға бағытталған ұсыныстар жасалады. Бастысы – өркениеттер және діндердің арасындағы шиеленісушілік деңгейін төмендетуге әсер ететіні сөзсіз.
Аарон ФРЕНКЕЛЬ,
Еврейлердің Еуразиялық конгресінің вице-президенті