Дүйсенбі күні Сомали орталығындағы Хиран провинциясында болған үш жарылыстан 12 адам қаза тапты, деп хабарлайды Egemen.kz Анадолы агенттігіне сілтеме жасап.
Бұл туралы провинция губернаторы Али Джейте Осман мәлімдеген. Оның айтуынша, жергілікті өзін-өзі басқару орталығына шабуыл жасалған.
Жанкештілер ғимараттың жанында бомба орнатылған көлікті жарып жіберген. Шабуыл құрбандарының арасында Хиршабель провинциясының денсаулық сақтау министрі мен Хиран вице-губернаторы да бар.