Шығыс Қазақстанда әлі де алпауыт өртпен күрес жүріп жатыр. Бүгінге дейін өрт 140 гектарды шарпыған, деп хабарлайды Egemen.kz.
Шығыс Қазақстан орман шаруашылығы инспекциясының хабарлауынша, бүгінге дейінгі өрт шығыны – 1 миллиард 63 миллион 500 мың теңгені құрап отыр.
Тәуелсіз экологтар қасақана өртеу фактілері болуы мүмкін дейді. Бұл туралы «Экологиялық патруль» жобасының жетекшісі Елена Полянцева Астана тв-ға берген сұхбатында айтты.
«Каменный Карьердегі өртке қарасақ, ол қасақана болуы мүмкін. Түнгі сағат үште басталған өртке, күн түсті деп айта алмаймыз, мұнда адами фактор басым», деді Елена Полянцева.