Қазақстанның Испаниядағы және Андоррадағы қоса ақтарушы Елшісі Константин Жигалов пен Андорра Княздігінің Сыртқы істер министрі Мария Убах бейнеконференция өткізді, деп хабарлайды Egemen.kz.
Онда Қазақстан Республикасының Президенті Қасым-Жомарт Тоқаевтың қыркүйекте өткен БҰҰ Бас Ассамблеясының 77-ші сессиясы аясында Андорра Үкіметінің басшысы Шавьер Эспотпен кездесуінің қорытындыларын, сондай-ақ 2022 жылғы тамыз айында орын алған Андорра Сыртқы істер министрлігі басшысының Қазақстанға бірінші ресми сапарын талқылады.
Тараптар биылғы жыл екіжақты қарым-қатынастар үшін серпіліс берген жыл екенін атап өтті. Атап айтқанда, екі ел тарихында алғашқы екіжақтық үкіметаралық келісімге қол қойылды.
«Қазақстан мен Андорра халықаралық құрылымдарда бір-біріне өзара қолдау көрсетуді жалғастыруда және дамуға көмек көрсету саласында бірлескен күш-жігердің мүмкіндіктерін пысықтауға ниетті», деп жазылған СІМ таратқан ақпаратта.