«Тараз» ФК мен команданың бас бапкері Нұркен Мазбаев арасындағы еңбек шарты өзара келісім арқылы тоқтатылды, деп хабарлайды Egemen.kz клубтың баспасөз қызметіне сілтеме жасап.
«Нұркен Қалдыбекұлына әріптестік және атқарған жұмысы үшін алғыс білдіріп, сәттіліктер мен жетістіктер тілейміз. Қазіргі уақытта жамбылдық футбол мектебінің түлегі Нұрмат Мырзабаев команданың бас бапкерінің міндетін атқарады», деп жазылған ақпаратта.