Ұлттық экономика министрі Әлібек Қуантыров бүгінгі Үкімет отырысында құрылыс жұмыстары көлемінің артқанын хабарлады, деп жазады Egemen.kz.»
«Жыл басынан бері орындалған құрылыс жұмыстарының көлемі 5%-ға артты. Еліміздің 17 өңірінде өсім тіркелді. Құрылыс-монтаждау жұмыстарының қарқынды өсуі Шымкент қаласында, сондай-ақ Ақмола, Қызылорда және Алматы облыстарында байқалады», деді Әлібек Қуантыров Үкімет отырысында.
Оның айтуынша, осы жылдың қаңтар-қазан айларында 11,7 млн м2 тұрғын үй пайдалануға берілді, бұл 2021 жылдың сәйкес кезеңінен 1,1%-ға артық.
«Оң өсім 15 өңірде тіркелді. Ең жоғары көрсеткіштер Түркістан, Ақмола және Алматы облыстарында, сондай-ақ Шымкент қаласында байқалады. Төмендеу Ұлытау және Абай, Маңғыстау және Атырау облыстарында, сондай-ақ Астана қаласында байқалды», деп толықтырды министр.