АСТАНА. 30 мамыр. Еуропалық қауіпсіздік және ынтымақтастық ұйымы парламенттік тобының бұрынғы төрағасы, нидерландтық саясаткер Коскун Чоруз Мемлекет басшысын Еуразиялық экономикалық одақ құру жөніндегі шартқа қол қойылуымен құттықтады әрі аталған одақ туралы жылы лебізін білдірді. Бұл туралы egemen.kz тілшісі хабарлады.
Коскун Чоруз Нидерланд мемлекетінің Еуропамен де, Азиямен де бірлесе жұмыс істей алатындығын сөз ете келе: «Мен біздің ел мен Еуразиялық экономикалық одаққа мүше мемлекеттермен әріптестікті тек ұтымдылық тұрғысынан көріп тұрмын. Қазақстан, Ресей мен Беларусьтің бірлескен Одағының да болашағы жарқын болатынына сенемін», – деді.
Сондай-ақ, ол әріптес мемлекеттер арасында интеграциялық байланыс орнап, одақтың құрылуы экономикалық даму тұрғысынан пайдалы екенін жеткізді.
Жолдыбай Базар.
Дереккөз: egemen.kz.
Фото: «24kz».