Мемлекет басшысы Қасым-Жомарт Тоқаев Électricité de France (EDF) компаниясының бас директоры Люк Ремонды қабылдады, деп хабарлайды Egemen.kz Президенттің баспасөз қызметіне сілтеме жасап.
Кездесу барысында Қасым-Жомарт Тоқаев Люк Ремонмен атом энергетикасы саласына озық технологияларды енгізу мәселесін талқылады.
Мемлекет басшысы қазақстандық мамандар атом энергетикасы саласындағы әлемдік жетекші компаниялардың озық технологияларын зерттеп жатқанын жеткізді.
Сондай-ақ олар жаңартылатын қуат көздері саласындағы бірлескен жобаларды жүзеге асыру перспективаларын қарастырды.