Алтын-Емел ұлттық паркінен «Іле-Балқаш» резерватына шамамен 50 бас құлан жеткізілді. Олардың ортаға бейімделуі жеңіл өтуі үшін жануарлар аумағы 22 гектар болатын арнайы қоршауға орналастырылды. Бұл жерде шамамен 5-7 ай уақытқа дейін болады, одан кейін тұяқтылар табиғи ортаға жіберілмек.
Сонымен қатар аталған аумаққа тағы да бұқар бұғылары әкелінді. Резерват аумағына бұғыларды жерсіндіру 2018 жылы басталған болатын. Сол жылы алғаш рет 5 құлан қоршау ішіне жіберілген. Ерекше қорғалатын табиғи аумақ 2019 жылы – 17 бас, 2020 жылы – 30, 2021 жылы – 53 және биыл 54 бас бұғымен толықты, оның 15-і қазіргі таңда қоршауға жіберілген.
Қызыл кітапқа енген жануарлардың қозғалу аумағын бақылау мақсатында әр қоршау ішіне 2 фототұзақтан орнатылған.
Еске сала кетейік, тұяқтылардың Балқаш ауданына оралуы, жолбарысты Қазақстанға жерсіндіру бағдарламасы аясында іске асырылып отыр. Оны Орман шаруашылығы және жануарлар дүниесі комитеті Дүниежүзілік жабайы табиғат қорымен бірлесіп, БҰҰ Даму бағдарламасының қолдауымен жүзеге асырады.