Сейсенбі күні Аргентинаның федералды соты вице-президент және бұрынғы мемлекет басшысы Кристина Киршнерді алты жылға бас бостандығынан айырды, деп хабарлайды Egemen.kz.
Киршнер елдің оңтүстігіндегі Санта-Крус провинциясында жалған қоғамдық жұмыстарға келісім-шарт жасағаны үшін кінәлі деп танылған.
Үкімге сәйкес, экс-президентке мемлекеттік қызметте жұмыс істеуге тыйым салынады.
Бұған дейін прокурорлар саясаткерді 12 жылға бас бостандығынан айыруды сұраған болатын.
Айта кетейік, Киршнерге 2007-2015 жылдар аралығындағы Санта-Крус провинциясындағы инфрақұрылымдық жобаларға бөлінген бюджет қаражатын заңсыз пайдаланды деген айып тағылды.