Селфи-конкурс: «Астана және мен»

«Егемен Қазақстан» конкурстың осындай түрін жариялап отыр Жыл сайын көңілге жылылық ұялата келетін мамыражай Астана күні жақындап келеді. Осы айтулы күнге орай «Егемен Қазақстан» газетінің интернет-редакциясы facebook әлеуметтік желісін қолданушылар үшін «Астана және мен» атты селфи-конкурс ұйымдастыруға шешім қабылдады. Селфи (фотоавтопортрет) – face­book әлеуметтік желісін қолда­нушылар арасында кеңінен тара­ған суретке түсіру әдістерінің бірі. Қазіргі таңда жастар жағы кө­бірек пайдаланатын суретке басу­дың бұл тәсілі интернетті, соның ішінде әлеуметтік желілерді тұрақ­ты түрде қолданатындар арасында трендке айналып отыр десе де болады. Конкурсқа қатысушылардың ұсынатын суреттерінде Астананың бүгінгі келбеті, ондағы тарихи және халықтың көз қуанышына айналған, әлеуметтік маңызы зор орындар көрініс берулері керек. Сайысқа қатысушылардың ­арнайы тіркеуден өтуінің қажеті жоқ. Олар өздері түсірген елор­дамызға қатысты суреттерін 16-30 маусым күндері аралығында facebook-тағы­ photo.egemen.kz сайтына жіберіп тұрулары тиіс. Келіп түс­кен суреттердің әрқайсысы модерация­дан өткен­нен кейін photo.egemen.kz сайтына орналастырылады. Конкурстың соңында сайтқа орналастырылған жұмыстар ірік­теліп, жеңімпаз бен жүлдегерлер есімдері анықталады. Оларға ре­дакцияның арнайы сый-сияпаттары тапсырылады. Жолдыбай БАЗАР, «Егемен Қазақстан».