Бразилия мен Аргентина ортақ валютаны дамытуға мүдделі. Бұл туралы Бразилия президенті Луис Инасио Лула да Силва мен Аргентина басшысы Альберто Фернандес мәлімдеді, деп хабарлайды Egemen.kz.
Reuters агенттігінің хабарлауынша, екі елдің көшбасшылары бұл қадамды айырбастағы кедергілерді еңсеру, сондай-ақ ережелерді жеңілдету және модернизациялау деп түсіндірді.
«Сондай-ақ біз транзакциялық шығындарды азайта отырып, қаржылық және коммерциялық ағындар үшін пайдаланылуы мүмкін ортақ Оңтүстік Америка валютасы бойынша талқылауларды алға жылжытуды шештік», делінген екі ел президентінің мәлімдемесінде.
Ортақ валюта идеясы алғаш рет өткен жылы Бразилияның қазіргі қаржы министрі және оның жауапты хатшысы Фернандо Хаддад пен Габриэл Галиполо жазған мақаласында көтерілді.
Лула Бразилияның аймақтағы ең ірі сауда серіктесіне алғаш рет бару дәстүрі бойынша қызметке кіріскеннен кейінгі алғашқы халықаралық сапары үшін Аргентинаны таңдады.
Екі президент аймақтық интеграцияны нығайту үшін Аргентина мен Бразилия арасындағы жақсы қарым-қатынас қажет екенін атап өтті.
Көшбасшылар сонымен қатар Аргентина, Бразилия, Парагвай және Уругвай кіретін Меркосур сауда блогын нығайтудың маңыздылығын атап өтті. Жақында Бразилияның Қаржы министрі Хаддад соңғы жылдары бұл блоктан бас тартқанына өкінгенін білдірді.
Екі ел осы аптада ортақ валюта құруға дайындық жұмыстары басталғанын ресми түрде жариялады.