Түркияның Кахраманмараш провинциясында болған екі жер сілкінісінен көз жұмғандар саны 40 642 адамға жетті, деп хабарлайды Egemen.kz Анадолы агенттігіне сілтеме жасап.
Бұл туралы Түркия үкіметі жанындағы табиғи апаттармен және төтенше жағдайлармен күрес департаментінің (AFAD) басшысы Юнус Сезер мәлімдеді.
Оның айтуынша, апат аймағындағы іздестіру-құтқару жұмыстары бүгін, 19 ақпанда аяқталады.
«Қазір іздеу-құтқару жұмыстарына 13 мыңға жуық адам қатысуда. Шетелден көмекке келгендерге шын жүректен алғыс айтамын. 80 елден келген құтқарушылардың бір бөлігі отанына оралды», деді AFAD басшысы.