ПСЖ қорғаушысы Серхио Рамос бұдан былай Испания құрамасында ойнамайтынын мәлімдеді, деп хабарлайды Egemen.kz.
«Ұлттық құрамамен қоштасатын кез келді. Бүгін таңертең маған қазіргі бас бапкер қоңырау шалды. Ол маған қандай деңгейде өнер көрсеткеніме және спорттық мансабымның қалай жалғасқанына қарамастан сенім арта алмайтынын білдірді», деп жазды футболшы.
Қорғаушы ұлттық құрамада 2005-2021 жылдар аралығында өнер көрсеткен. Осы уақыт ішінде ол 180 ойын өткізді (команда тарихындағы ең көп ойын өткізген ойыншы), екі рет Еуропа чемпионы, бір рет әлем чемпионы болды.