Жапонияның солтүстігінде жыл сайын теңіз жағасында 40 мың тонна теңіз бақалшақтары қалдығы жиналып қалады. Жапондықтар оны іске жаратып, қалдықтан арылудың және жаңа өндірістің көзін тапқан, деп хабарлайды Egemen.kz.
Саруфуцу ауылының әкімдігі Tbwa\Hakuhodo агенттігімен, Quantum стартапымен және Koushi Chemical Industry пластмасса өндірушісімен бірлесіп, теңіз бақалшақтарын пайдаға жаратудың шешімін тапқан. Олар бақалшақтардан экологиялық таза жұмысшы бас киімін жасай бастаған. бұл пластмасты пайдалануды азайтады.
SHELLMET пластиктен жасалған бас киімдермен салыстырғанда CO2 шығарындыларын 36 пайызға азайтуға ықпал етеді. Нәтижесінде эко бас киім жергілікті қоғамдастықтың алдында тұрған экологиялық мәселені жеңілдетеді және қалдықтарды айтарлықтай азайтады.