20 мамырда Таразда кәсіпқой бокстан халықаралық турнир өтеді. Сол жарыста Қазақстанның танымал былғары қолғап шебері Фируза Шәріпова да өнер көрсетеді.
Айшықты өнерімен жанкүйерлер жүрегін жаулап алған 28 жастағы Жамбыл бокс мектебінің түлегі кәсіпқой рингте 17 кездесу өткізіп, 15 рет жеңіске жетті. Сегіз бәсекеде айқын басымдық танытты. Оның қарсыласы – Рут Чисейл. Малави өкілінің де жүріп өткен жолы жарқын жеңістерге толды. Ол 14 жекпе-жектің тек екеуінде ғана ұтылды. Жеті қарсыласын есінен тандырды.
Тараздағы бәсекеде бағы жанған боксшы 36 жастағы Ирландияның өкілі, Олимпиада чемпионы, бірнеше салмақ дәрежесі бойынша абсолютті әлем чемпионы Кэти Тейлормен күш сынасу құқығына ие болады.