Қазақстан теннисшісі Елена Рыбакина АҚШ-тағы Индиан-Уэллсте WTA-1000 санатындағы турнирдің жартылай финалына жолдама алды, деп хабарлайды Egemen.kz.
Ширек финалда Қазақстан спортшысы әлемнің 76-шы ракеткасы чех Каролина Мухованы 7:6 (7:4), 2:6, 6:4 есебімен жеңді. Кездесу 2 сағат 48 минутқа созылды. Бірінші сетте Елена 3:5-тен кетіп, сетбол ойнады.
Бұл жетістік Қазақстан үшін тарихи сәт болды. Өйткені бұған дейін Рыбакина Индиан-Уэллстегі жартылай финалға ешқашан жеткен емес.
Турнирдің финалына шығу үшін Қазақстанның алғашқы ракеткасы поляк Ига Швентек немесе румыниялық Сорана Кырстеймен ойнайды.