Қазақстан Республикасы Парламенті Мәжілісі депутаттарының кезектен тыс сайлауында Корея Республикасындағы және Жапониядағы Қазақстан Республикасының азаматтары алғашқылардың қатарында өздерінің конституциялық дауыс беру құқығын пайдаланды, деп хабарлайды Egemen.kz Сыртқы істер министрлігінің баспасөз қызметіне сілтеме жасап.
Сеулдегі сайлауға бірінші болып дауыс берген қазақстандық курсант Елнұр Асанов болды.
«Бұл сайлау еліміздің экономикалық дамуы үшін жаңа мүмкіндіктер ашады деп күтемін. Трансформация мемлекетімізге қажет, ол елдің дұрыс бағытта дамуына қуатты серпін береді деп ойлаймын. Мен Қазақстан Республикасының азаматы ретінде азаматтық борышымды өтеп, өз үлесімді қосқым келеді! Елімізге қуат пен өркендеу тілеймін!», деді Елнұр.