Наурыз айының 24-26 аралығында Өзбекстан республикасының Наманган қаласында велоспорттан ерлер мен әйелдер арасында «Silk Road Namangan» халықаралық турнирі өтті. Сайысқа барлығы 60 шетелдік және 60 өзбекстандық спортшылар қатысты.
Жарыстың 3-күні маңғыстаулық Дмитрий Носков «Выбывание» бағдарламасы бойынша 2-орын иеленсе, осы бағдарламада 1 және 3-орындарды ресейлік Кирилл Маликов пен Александр Иванов иеленді. Маңғыстаудан барған велошабандоз Дмитрий Носков «Командная гонка преследования» бағдарламасында да 3-орын иеленіп, сайыстан елге жүлдемен оралды. Турнир өз жеңімпаздарына Париждегі «АИ-2024» додасына қатысу үшін халықаралық рейтингтік ұпайларды жеңіп алуға мүмкіндік береді.
Маңғыстау облысы