Онкогематологияны емдеуге – 2,9 млрд теңге

Қарағанды облысында онко­ге­­матологиялық аурулары бар нау­қастарды тексеруге және емдеу­ге 2,9 млрд теңге бөлінді. Меди­циналық сақтандыру қо­ры тегін медициналық көмек көрсету арқы­лы 2,7 млрд теңге және МӘМС пакетінен 200 млн теңгеден аса қаражат бөлуді жос­парлап отыр.

Қан аурулары бар науқастар­ды емдеу гематология орталы­ғында өтеді. Орталық Қараған­дыда 2018 жылдың тамыз айынан бастап жұмыс істейді. Биыл Қа­рағанды қаласы мен Қара­ған­ды облысының гематология сала­сындағы құзырет­тілік ор­та­лығы ретінде жеке ғи­­ма­­рат­қа көш­кенін атап өткен жөн. Бұл орта­лықта қан ауруымен сыр­қат­танған науқастардың дис­­пан­­серлік есепке дейінгі бар­лық кезеңді өтуіне мүмкіндік жа­сал­ған. Мұнда күндізгі және сырт­тай кеңес беретін амбу­ла­­ториялық емдеу, тексеру ке­зеңі және тәулік бойы немесе күндізгі стационарда емдеу­ топ­тас­тырылған. Орталық дерегіне сүйенсек, орталықтың тәулік бойғы және күндізгі стационарларында Қарағанды, сонымен қатар басқа облыстардан 2 мыңнан аса адам ем алыпты. Оның 73-76 %-ы қан қатерлі ісігі бар науқастар екен.

– Стационарды алмастыратын көмекке басты назар аударылды. Күндізгі стационарда бізде 16 төсектік орын бар. Бұл диагнос­тикалық және емдік шараларды жүргізуге мүмкіндік береді. Науқас емделіп оралады, осылайша біз ауруханаішілік инфекциялар қаупін азайтамыз. Қазір тәулік бойы ауруханаға тек ауыр науқастар – жедел лейкозбен ауыратындар жатқызылады. Химия және жоғары дозалы терапия жүр­гі­зіледі, – дейді гематология саласындағы құзырет­тілік орта­л­ы­ғының директоры Ирина Баландинская.

Тәулік бойғы стационардағы науқастар бір орынды палатада емделеді. Оның әрбірінде жел­дету жүйесі бар. Әр палатада қажет­тілік туындаған кезде жедел жан сақтау бөлмесі етіп жаб­дықтауға барлық жағдай қарас­тырылған.

Қарағанды облысы