«Қазгидромет» РМК алдағы үш күнге арналған ауа райы болжамын ұсынды, деп хабарлайды Egemen.kz.
«Қазгидромет» мәліметіне сәйкес, елдегі ауа райын атмосфералық фронтальды бөлімдер айқындайды. Өткінші жаңбыр жауып, найзағай ойнайды. Еліміздің оңтүстігінде, оңтүстік-шығысында және шығысында бұршақ жаууы мүмкін. Қатты жаңбыр 30 мамырда Шығыс Қазақстанда, 1 маусымда Батыс Қазақстан және Атырау облыстарында күтіледі. Тек антициклон жотасымен Қызылорда және Ұлытау облыстарында жауын-шашынсыз ауа райы сақталады. Сондай-ақ республика бойынша желдің күшеюі күтіледі. Республиканың оңтүстік-батысында және оңтүстігінде шаңды дауыл болжанады.
Қазақстан бойынша күндіз температуралық фон: батыста және солтүстік-батыста 28-36 градус жылы, солтүстікте, оңтүстік-шығыста және орталықта 25-35 градус жылы, оңтүстікте 32-37 градус жылы, шығыста 20-28 градус жылыға дейін біртіндеп жоғарылайды.