Қазақстанда туып-өскен немістер Германияда Абай үйін ашты. 20 жыл бұрын тарихи Отанына оралған Валерий Оствальд Залах қаласында «Қазан» деген атпен қауымдастық құрған, деп хабарлайды Egemen.kz.
«Qazaqstan» ұлттық арнасы ұсынған ақпаратқа қарағанда, бүгінде 100-ден астам мүшесі бар ұйым Германияда қазақ мәдениеті мен өнерін кеңінен насихаттап отыр.
«Абай үйі - Германия мен Қазақстан арасындағы мәдени көпір болады деген үміттеміз. Абай - ұлы жазушы. Әлем жұрты оның есімін білуі тиіс. Біз Қазақстанда туып-өстік, ол - біздің Отанымыз. Туған жеріміздің жылдан-жылға көркейіп, дамығанын көріп, қуанып отырамыз», деді «Қазан» қазақ қауымдастығының төрағасы Валерий Оствальд.