Жыл басынан бері жүргізушілерді даярлау мектептері 441,3 млн теңгеге қызмет көрсеткен. Бұл 2022 жылмен салыстырғанда 14,3%-ға артық, деп хабарлайды Egemen.kz Ұлттық статистика бюросына сілтеме жасап.
Бюро ұсынған деректерге сәйкес, бюджет есебінен - 27,3 млн теңгеге, кәсіпорындар есебінен – 44,9 млн теңгеге, халық қаражаты есебінен – 369 млн теңгеге қызмет көрсетілген.
«Қызметтердің ең көп көлемін Батыс Қазақстан облысының автомектептері көрсеткен – 64,5 млн теңгеге, одан кейін Қарағанды және Ақтөбе облыстарын атауға болады, сәйкесінше 55,2 млн және 46,8 млн теңгеден. Көлік жүргізушілерін оқыту бойынша қызметтің ең аз көлемі Шымкент қаласында – 3,4 млн теңге», делінген ведомство хабарламасында.