Адам құқықтары жөніндегі уәкіл Артур Ластаев биылғы 5 айда атқарған жұмыстарының қорытындысы туралы баяндады, деп хабарлайды Egemen.kz Ақорданың баспасөз қызметіне сілтеме жасап.
Артур Ластаевтың айтуынша, омбудсмен кеңсесі мен оның өңірлердегі өкілдіктері осы уақыт аралығында азаматтардың 2 318 өтінішін қараған.
Жергілікті жердегі жұмысты күшейту үшін Ұлттық превентивті механизм мүшелерінің құрамы жаңарған.
Бүгінде балаларға арналған мекемелердегі қатыгездік әрекеттердің алдын алу мәселесі ерекше назарға алынған. Атап айтқанда, Артур Ластаев осындай мекемелерге 213 рет барып, 800-ден астам ұсыным жасағанын айтты.
Азаптау фактілеріне қатысты тергеу амалдары жүргізіліп жатыр. Құқық қорғау органдарына бірқатар арнайы ұсыным берілген.
Қасым-Жомарт Тоқаев тиісті мемлекеттік органдармен бірлесіп, азаматтардың құқықтарын тиімді қорғауды қамтамасыз ету маңызды екенін айтты.