ТОҒЫЗ ЖОЛДЫҢ ТОРАБЫНДАҒЫ АСТАНА

БОЛАТ ЖОЛДЫҢ БОЙЫНДА Елорда Арқа төсіне қоныс аударғанда астана үшін қажетті артықшылықтардың бірі ретінде бұ­рынғы Ақмола қаласы темір жол қатынасының қызу орта­сында орналасқандығы айтылған еді. Шынында да Астананың Қазақстанның барлық  облыс орталықтарымен,  ТМД және алыс шетелдердің үлкен шаһар­ларымен темір жол байла­ны­сының болуы көп мүмкін­діктердің бетін ашты. ҚТЖ да  Алматымен, батыс және шы­ғыстағы, оңтүстік пен солтүс­тіктегі облыстармен болат жол арқылы қатынауды барынша жақсарта түсті.

Республика байтағын шын мә­нінде тоғыз жолдың торабына осы темір жол айналдырғаны да түсінікті. Қазіргі кезде Астана вокзалынан Еуропа мен Азияға жолаушылар мен жүктер еш тоқтаусыз жөнелтіліп жатса, мұның өзі елорданың орталыққа тән сипатын барынша айқындап тұрғаны.