Әскердің тегеурінді күші

Бұл шараға танкистер ұзақ уақыт және тиянақты дайындалды. Жат­ты­ғулар алдында теориялық және прак­тикалық, атап айтсақ, атыс қала­шы­ғындағы бірнеше сағаттық сабақ­тар, танк алаңында көлік жүргізу және бақылау атыстарын орындау дайын­дық­тары болды.

Жаттығуды орындау шарттары бо­йынша әскери қызметшілер 1 500-ден 1 700 метрге дейінгі қашықтықтағы танк нысандарын, одан бөлек 600-ден 900 метрге дейінгі қашықтықтағы оқша­шар нысандарын жою қажет. Атыс аяқталғаннан кейін маши­налар­ бас­тапқы орындарына оралды. Танк­тер­дің жеке құра­мы сап түзеп, ал коман­дир экипаждардың жұмысын баға­­лады. Сонымен қатар атыс күн­діз­гі уақыт­та ғана емес, түнде де жүр­гізілді.

Танкпен штаттық снарядты ату­ – танкистердің жауынгерлік дайын­­дығының негізгі элементі. Сон­­дық­­тан штаттық снарядты­ ату жылы­на­ екі рет, ал оған дайындық тұрақ­ты түр­де жүргізіледі.

– Барлық экипаж бұл жат­ты­ғуды сенім­ді түрде орындады. Нәтижесінде, бөлімше «жақсы» деген баға алды. Атыс жаттығуының сәтті өтуі көбінесе техниканы дайындауға байланысты. Тан­кистер бұл тапсырманы жоғары деңгейде орындады. Атыс барысында кездескен кемшіліктерді экипаж күштері, сондай-ақ жөндеу бөлім­ше­лерінің әскери қызметшілері мен тех­ник мамандары сәтті еңсеріп отыр­ды, – деді бригада командирінің жауын­гер­­лік даярлық жөніндегі орынбасары, под­­­­­пол­­ковник Сағи Батырханов.

Атыс нәтижелері бойынша жат­ты­ғуды «өте жақсы» орындаған әскери қыз­метшілерді бригада басшылығы мара­паттады. Үздіктер қатарында танк командирі, сержант Нұрым Құмар­бек, механик-жүргізуші, сержант Нұр­сұлтан Құндақбаев және мер­зімді қыз­меттегі әскери қызметші, жауын­гер­лік көліктің көздеуші-опера­то­ры, қатардағы жауынгер Мақсат Құрал бар.

 – Мен танктің штаттық снарядын үшінші рет атып тұрмын, сондықтан жаттығуды орындар алдында ешқандай толқу болған жоқ. Бәрі ойдағыдай өтіп, үздіктер қатарынан көрінгеніме қуа­ныш­тымын. Отанымызды ойдағыдай қор­ғауға әрдайым дайынбыз, – деді қатардағы жауынгер Мақсат Құрал.