Астана әкімдігінің ресми сайты тамыздың 26-29 күндері Тәжікстанның мәдениет күндерін өткізу аясында EXPO халықаралық көрме кешенінің алаңында ауқымды жәрмеңке-көрме ұйымдастырылатынын хабарлады, деп жазады Egemen.kz.
Елорда қонақтары мен тұрғындарына ауыл шаруашылығы өнімдері, көкөніс өнімдері және дәстүрлі бақша дақылдары, бал, тәттілер, сусындар (шырындар мен алкогольдік сусындар), қолөнер бұйымдары, табиғи материалдан жасалған кәдесыйлар, киіз, тоқыма, тоқылған бұйымдар, сәндік бұйымдар, пышақтар, әлемге әйгілі тәжік атласы және тағы басқалар ұсынылады.
Жәрмеңкеде қыш, темір ұстасы, ағаш өңдеу, көркем кескіндеме, тоқу және т.б. сияқты халық бұйымдарын жасау барысы көрсетіледі.
Палау, курутоб, угро сияқты тәжік ұлттық тағамдарының таңғажайып тағамдарынан дәм татуға болады.
Сондай-ақ жәрмеңке қонақтарына арнап Тәжікстан Республикасының өнер шеберлерінің қатысуымен мерекелік концерт ұйымдастырылады.
Іс-шараның ашылуы 26 тамызда сағат 13:00-ге жоспарланып отыр.