Бүгін футболдан Қазақстан ұлттық құрамасы келесі жылы өтетін Еуропа чемпионатына іріктеу аясындағы 5-тур матчын өткізеді. «Астана Арена» стадионында өтетін тартыс кешкі сағат 20:00-де басталады. Тікелей көрсетілімді Qazsport телеарнасынан көруге болады, деп хабарлайды Egemen.kz.
Қазақстан құрамасы Н тобында өткізген 4 матчтан 9 ұпай жинап, турнир кестесінде 2-сатыда тұр. Қарсылас Финляндия құрамасы да 9 ұпаймен көш бастап келеді.