Осы аптаның аяғында Қытайдың Ханчжоу қаласында алауы тұтанатын жазғы Азия ойындарына қатысатын Қазақстанның жекпе-жек шеберлерінің есімдері белгілі болды.
Каратэден өтетін жарыста сегіз спортшымыз сайысқа түседі. Олар: Токио Олимпиадасының қола жүлдегері, Дүниежүзілік ойындар мен Ислам ынтымақтастығы ойындарының жеңімпазы Софья Берульцева, әлем чемпионатының қола жүлдегерлері Қайсар Алпысбай, Нұрқанат Әжіқанов, Данияр Юлдашев, Азия ойындарының күміс жүлдегері Дидар Әмірлі, Азия чемпионы Мөлдір Жаңбырбай, Әсел Қанай және Лаура Әлиқұл.
Джиу-джитсушылардың жарысында Әбдісамат Әшіров, Кәрім Иминжанов, Нұрсұлтан Измұрзаев, Алман Қаршыға, Шохзод Ташполатов, Аян Тұрсын, Нұржан Батырбеков, Руслан Исраилов, Әсемхан Исаханова, Мансұр Хабибулла, Әйгерім Қуатқызы, Адлан Мадаев, Дархан Нортаев, Олжас Нұртақанов, Назгүл Рахаева, Айдана Сәбитова, Ажар Салықова, Әлидияр Серік және Кристина Жұрабекова күш сынасады.