Азия ойындарында Қазақстан спортшылары байдарка мен каноэ есуден финалға үш жолдама жеңіп алды, деп хабарлайды Egemen.kz.
200 метр қашықтыққа каноэде есуден Мария Бровкова 52.530 уақытпен іріктеу кезеңінде 1-орынмен финалға шықты.
Анастасия Березовская 500 метр қашықтыққа байдаркада есуден 2:06.783 уақыт есебінде 2-орын алып, финалға өтті.
Байдаркада есуден ерлер арасындағы командалық сайыста Қазақстан құрамасы (Игорь Ряшенцев, Андрей Ергучев, Сергей Токарницкий, Бекарыс Раматулла) 500 метр қашықтықта 1:28.922 уақыт көрсеткішімен 3-орын алып, финалға жолдама алды.
Финал 3 қазанда өтеді.