Қазан айында Қазақстан халқы барлығы 10 күн демалады. Күнтізбеге сәйкес 9 күн демалыс және 1 күн мереке, деп хабарлайды Egemen.kz.
Биыл қазанның алғашқы күні жексенбіге сәйкес келді. Сондай-ақ бүгін, 1 қазанда Халықаралық қарттар күні және Радио қызметкерлері күні.
Сонымен қатар айта кетсек, биыл Оқу-ағарту министрлігі 5 қазанды Ұстаздар күні етіп бекітті.
1 қазан және 5 қазан күндері мерекелерінде демалыс жарияланбаған.
Еліміздегі басты мерекелердің бірі – 25 қазан Республика күні. Биыл айтулы мереке жұмыс күніне түсіп тұрғандықтан Қазақстан халқы сәрсенбі күні демалады. Еске сала кетсек, Республика күні былтыр тізімге қайта енгізіліп, ұлттық мереке дәрежесі берілген еді.