«Яндекс Қазақстан» IT білім беру нарығына GPT технологияларын енгізді. Халыққа IT саласындағы жаңа мамандықты игеруге көмектесетін «Яндекс Практикум» онлайн білім беру қызметі студенттерге арналған генеративті кеңестерді іске қосты. Бұл туралы «Digital Bridge 2023» форумының «Жеделдетілген оқыту: білім берудегі GPT сын-қатерлері мен мүмкіндіктері» панельдік сессиясында Илья Курмышев хабарлады. «Яндекс практикум» студенттеріне арналған генеративті кеңестер – еліміздегі IT білім беру саласындағы алғашқы GPT кейсі.
Бүгінде тәжірибеде екі функция бар – «Нейрондық желіде нақтылау» және «Қысқаша қайталау». Нейрожелі теорияның кез келген күрделі сәтін өзгеше түсіндіреді және өткен тақырыптарды қайталауға көмектеседі. Егер студент сабақтың бір бөлігін түсінбесе, мәтіндегі қажетті фрагментті бөліп алып, сценарийді қосымша дереккөздерге қосады. Күздің соңына дейін «YandexGPТ» практикалық тренажерларда пайда болып, нейрондық желі кодтағы қателерді табуға және оларды түсіндіруге көмектеседі.
– Отандастарымыздың білім беру үдерісінде ең заманауи технологияларды қолдануға мүмкіндігі бар екеніне қуаныштымын. IT мамандықтарын оқыту үдерісінде генеративті нейрондық желілерді пайдалану оқуды одан әрі жекелендіруге және тиімді етуге көмектеседі, – деп түсіндірді Ғылым және жоғары білім вице-министрі Камиль Ақатов.
Бұл жоба білім беру бағдарламаларының сапасын жақсартады. «Яндекстің» машиналық оқыту саласындағы технологиялар мен тәжірибесіне жүгіну – студенттерді ынталандыра түседі. Тіл моделі практикумның теориялық материалдарының желісінде оқытылады, ал жауаптардың сапасы мен дәлдігін курс сарапшылары тексереді. Қазір «YandexGPT» тудырған жаңа мүмкіндіктер веб-нұсқада және «Яндекс практикумның» мобильді қосымшасында қолжетімді.
Бұрын бұл жоба елдің домендік аймағында іске қосылып, 2023 жылдың тамызында курстарды теңгемен төлеу мүмкіндігі туды. Қазіргі уақытта практикумда отандастарымызға бағдарламалау, деректерді талдау, маркетинг, менеджмент, дизайн және басқа да IT бағыттар бойынша 90-нан аса курс қолжетімді. Тіпті жаңадан бастағандарға, әуесқойларға, осы мамандықта дамығысы келетіндерге де арналған жеке курстар бар. Оқыту «Яндекстің» жеке технологиялық платформасында өтеді. Бұған қосымша теорияны, практикалық тапсырмаларды портфолиоға салуға болатын қорытынды жобалары да бар.
– Біз «Яндекс практикумында» білікті IT мамандарды даярлауға ықпал ете алатынымызды мақтан тұтамыз және сол арқылы Қазақстанда IT индустрияның дамуына өз үлесімізді қосамыз. Нейрондық желілік кеңестердің нәтижесінде семинарда оқыту әр студенттің қажеттіліктері мен дайындық деңгейіне бейімделеді, ал цифрлық дағдылар қолжетімді болады, – деп түсіндірген еді «Яндекс арактикумның» директоры Илья Курмышев.
Қазақстанды цифрландыру жөніндегі ұлттық жобаның маңызды бөлігі – IT саласындағы білім беру. 2025 жылға дейін мемлекетіміз кемінде 100 мың IT кадр даярлауға ниетті. Жұмыс берушілер тарапынан да сұраныс бар. Осы күні ақпараттық технологиялар саласындағы мамандар елдегі ең сұранысқа ие 5 мамандықтың қатарында. Статистикаға сәйкес, өткен жылмен салыстырғанда болашақ ІТ мамандарының саны шамамен 30 пайызға өскен. Бұл – жақсы көрсеткіш. Ақпараттандыруды дамытудың айқындаушы перспективасы жаңа ІТ мамандарын даярлауды қажет етеді. Цифрлық даму, инновациялар және аэроғарыш өнеркәсібі министрлігі 20 заманауи бағдарламалау мектебін ашу, IT бағдарламалау мектептеріне 20 мың ваучер (оқуға грант) бөлу, бейінді университеттердің өңірлік университеттерге қамқорлық көрсету сынды істерді атқарып жатыр.