Өзге этнос өкілдері де жаппай атсалысты

Жалпы, облыс бойынша аудан әкімдерінің сайлауына барлығы 94 сайлау учаскесі бекітілді. Оның 60-ы Кербұлақ ауданында болса, қалғаны Сар­қан ауданына тиесілі. Түрлі себепке байланысты 5 сайлау учаскесі жұмыс істемеді. Одан бөлек 2 аудандық аумақ­тық комиссиялардың 21 мү­шесі, учаскелік сайлау ко­мис­­сияларының 538 мүшесі жұ­мылдырылды. Екі ауданның сайлаушылар саны 54 634 адамды құрайды. Кербұлақта – 27 787, Сарқанда 26 847 адам таңдау жасауға құқылы.

Жайнақ батыр ауы­лында №211 сайлау учаскесіне аттың құлағында ойнайтын «Жайнақ» көкпар құрамасының шабандоздары дауыс берді.

«Конституциялық құқығы­мыз­ды пайдаланып, дауысымызды бердік. Ауданымыз ха­лық таңдаған әкім көмегімен гүл­денері анық», дейді көк­паршылар. Олар жаңа әкім ұлт­тық ойындарымызды ұлық­­таса деген ұсынысын да біл­дірді. Сонымен қатар өзге этнос өкілдері де белсенділік танытты. Алтынемел ауылдық округінде – 317, ал Тастыбастау ауылында 35 чешен ұлты өмір сүреді. Солардың барлығы өз таңдауын жасап, ауданның жандануын тіледі.

Кербұлақ ауданы Сайлау комиссиясының төрағасы Жанат Бураханов заң аясында ешқандай құқық бұзушылық болмағанын жеткізді. «Ауда­нымыздағы 60 сайлау учас­кесінің 59-ы жұмыс істеп отыр. Қазіргі уақытта өлке тұр­ғын­дарының дені өз дауысын берді. Науқан байқаушылардың қа­тысуымен, заң аясында өтіп жатыр», дейді Ж.Бураханов.

Айта кетейік, Жетісу өңі­ріндегі екі ауданның әкі­мін сайлау додасына 14 кандидат ұсынылды. Он кандидатты алты саяси партия ұсын­са, қалғаны өзін-өзі ұсынған. Үміт­кер­лердің көбі – мем­ле­кеттік қызметкерлер. Олардың орташа жасы – 46, оның ішінде біреуі – әйел. Ал ең кен­жесі 36 жастағы «Рес­пуб­ли­ка» партиясының Сар­қан ауда­нын­дағы кандидаты. Түрлі се­беп­пен он кандидат сайлау дода­сынан шығып қалды. Осы­лайша, әр облыста жер­гі­лікті тұрғындар «Amanat» және «Respublica» партиялары ұсын­ған екі кандидаттың ішінен жаңа әкімді таңдады.

Жетісу облысы