Аймақтар • 25 Қаңтар, 2025
Энергия жинақтау зауыты ашылады
Жетісу облысында 2024–2030 жылдарға арналған құны 3,5 трлн теңге болатын инвестициялық портфель қалыптастырылған. Оның аясында 190 жоба қолға алынып, бірнеше жұмыс орны ашылады. Бүгінде жоспарланған жұмыстардың басы басталып, нәтижесін беріп үлгерді. Мәселен, көптен күткен жел генераторлары мен энергия жинақтау жүйелерін шығаратын зауыт құрылысы басталды.
Аймақтар • 23 Қаңтар, 2025
Көгілдір отын арқылы өңірдің экономикалық мүмкіндігін арттырып, экологияны бұзбауға болады. Осы мақсатта Жетісу облысының кешенді газдандыру аймақтық бағдарламасы жолға қойылған. Соның нәтижесінде халықтың 60%-ға жуығы газға қосылып үлгерді. Алдағы 4–5 жылда 358 елді мекеннің 192-сін табиғи газбен қамтамасыз ету жоспарға енгізілген. Жаңа жыл қарсаңында тағы 6 мыңға жуық тұрғын табиғи газға қол жеткізді.
Аймақтар • 22 Қаңтар, 2025
Жетісу облысында балаларға арналған сауықтыру орталықтары көбейіп келеді. Мұның қуанышы да, әттеген-айы да бар. Қуанышы сол, түрлі сырқатқа шалдыққан жандарға жәрдем береді. Өкініштісі, сондай дертке душар болған балалардың қатары азаяр емес. Сол себепті 3-18 жас аралығындағы неврологиялық диагнозы бар балаларды кешенді оңалтуға бағытталған «Қамқорлық» оңалту орталығы ашылды. Мұнда алыс аудандарда тұратын балалар емделеді.
Әскер • 20 Қаңтар, 2025
«Қаңтарда» қаза болған сарбазға «Ерлік сыныбы» ашылды
Талдықорған қаласындағы Ш. Уалиханов атындағы № 10 орта мектеп-гимназиясында Қаңтар оқиғасында қаза тапқан сарбаз, ІІМ Ұлттық ұлан батыры ІІІ дәрежелі «Айбын» орденінің иегері Айбат Амановқа арналған «Ерлік сыныбының» ашылу салтанаты өтті.
Аймақтар • 18 Қаңтар, 2025
Техникалық мамандықтармен толығады
Жұмысшы мамандықтары жылына орай Жетісудағы университет пен колледждердегі мамандықтарды түрлендіру үдерісі қарқынды түрде жүріп жатыр. Былтыр аграрлы салаға қажетті мамандарды шетелде оқыту идеясы қолға алынды. Биыл білім ордаларында жаңа техникалық мамандықтар ашылады. Алдағы 2-3 жылда орман, балық, жылыжай шаруашылығына қажетті кадрлар жергілікті жерден шығады.
Аймақтар • 17 Қаңтар, 2025
Талдықорғанның «Береке» қалашығындағы үйлер халыққа біртіндеп беріліп жатыр. Былтыр 25 пәтердің кілті табысталса, жақында 30 үй иесін тапты. Одан бөлек, Жаркент қаласындағы кезекте тұрған тұрғындар да қоныс тойын тойлап жатыр. Жалпы, өңірде биыл 122 әлеуметтік нысанның құрылысы жоспарланған, оның 105-і осы жылы пайдалануға беріледі.
Аймақтар • 15 Қаңтар, 2025
Тәртіп сақшыларына 40 көлік тарту етті
Қоғамдық тәртіпті қадағалауда полиция қызметкерлерінің үлесі зор. Мереке күндерінен бөлек, күнделікті тұрғындардың тыныштығына жауап беретін құзырлы орган өкілдері тәулік бойы тыным таппайды. Осыны ескере отырып, облыс әкімдігі тарапынан жетісулық тәртіп сақшыларына су жаңа 40 автокөлік тарту етілді. Көліктер тек облыс орталығына емес, аудандағы департамент қызметкерлеріне де үлестіріледі.
Еңбек • 14 Қаңтар, 2025
Мемлекет кәсіп бастаймын деген азаматқа қолдау білдіруге қашанда әзір. Тек ниетіңіз түзу болса болғаны. Соның бір жарқын мысалы, көпбалалы әрі жалғызбасты әке Бекзат Өтежанов 1,5 млн теңге қайтарымсыз грант алып, жеке кәсібін бастады. Бұл игілікті іске Қаратал аудан әкімдігі мен жергілікті прокуратура мұрындық болды.
Аймақтар • 14 Қаңтар, 2025
Білім ұясының мәртебесін биіктетті
Қазақ даласындағы алғашқы білім ордаларының бірі – «Мамания» мектебінің 125 жылдығына орай «Қарағаштағы білімнің қара шаңырағы» атты облыстық байқау өтті. Онда әр ауданнан келген білікті мамандар бақ сынады. Байқауды облыстық білім басқармасы мен Ақсу аудандық білім бөлімі ұйымдастырды.
Аймақтар • 11 Қаңтар, 2025
Талдықорған қаласында әлеуметтік осал топ өкілдері рет-ретімен тұрғын үйге қол жеткізіп жатыр. Электронды кезек ешкімді алаламайды. Бәрі қала басшылығының қадағалауында тұр. 2024 жылы өңірде тұрғын үй құрылысына 7,6 млрд теңге бөлінді. Қаржы 56 көпқабатты, 214 жеке тұрғын үй салуға бағытталды. Сөйтіп, облыс орталығында бірнеше отбасы қоныстойын тойлап, талай жылдан бері күткен пәтеріне кірді.
