Экология • 03 Шілде, 2024
Аграрлы өңір су тапшылығымен алысып жатыр. Арнасы құрғаған үлкенді-кішілі өзендер жиі кездеседі. Жылдан-жылға Жетісуды құрғақшылық меңдеп бара жатқаны белгілі. Әрине, әлемдік климаттық өзгеріс біздің өңірді де айналып өтпесі анық. Дегенмен мұнда адами факторлар да бар. Тұрғындар экологиялық заңнаманы сақтамайды. Тіпті өзенге медициналық қалдықтар төгеді. Айыппұл арқаласа да табиғатқа кесірін тигізгендер саны азаймай тұр.
Шаруашылық • 29 Маусым, 2024
Тозған техника, шаршаған шаруа
Жетісуда жылдан-жылға егіс көлемі еселеніп келеді. Дегенмен су, техника, жер мәселесі әлі толық шешімін таппады. Мәселен, ауыл шаруашылығы техникаларының 60 пайыздан астамы ескірген. Шаруалар қолында 23 мыңға жуық түрлі техника бар. Оның 10 жылға дейінгісі – 8 321 бірлік, 10 жылдан жоғарғысы – 13 215 бірлік. Тозған техника шаруаларды жиын-терім уақытында әбігерге салады.
Digital • 27 Маусым, 2024
Қазір ғылымға иек артқан білім шаңырақтарында роботтехника саласын дамыту міндеті тұр. Әсіресе жастардың қызығушылығын арттырып, заманауи технологияның тілін жетік меңгеруге баулу қажет. Осы ретте Талдықорған қаласында «РобоЖУ-2024» облыстық роботтехника олимпиадасы өтті. Жылда дәстүрлі түрде өтетін білім бәйгесіне ауыл мен қаладан 15 мектеп командасы қатысты.
Аймақтар • 21 Маусым, 2024
Экономикалық байланыстың мүмкіндіктері
Кейінгі жылдары Қытай мен Жетісу арасындағы сауда-экономикалық, мәдени үдеріс ерекше қарқын алды. Инвесторлар да өңірге қаржы құйып, түрлі әлеуметтік бастамаларға мұрындық болып жатыр. Әкімдіктің баспасөз қызметінің мәліметінше, былтыр облыс пен ҚХР арасындағы тауар айналымы 3,8 млрд доллар немесе 1,7 трлн теңгеге жеткен.
Шаруашылық • 21 Маусым, 2024
Жетісуда биыл ауыл шаруашылығы саласын қолдауға 34,9 млрд теңге бөлінген. Оның 23,2 млрд теңгесі субсидия түрінде берілген. Былтыр өнім көлемі 1,2% өсіммен 57,8 млрд теңгеге жетті. Осы маусымда егіс аумағы 7 мың гектарға ұлғайып, 524,8 мың гектарды құрады. Мемлекет тарапынан қызылша өндірісіне ерекше көңіл бөлініп отыр. Мұны облысқа жұмыс сапарымен келген Премьер-министрдің орынбасары Серік Жұманғарин айтты.
Аймақтар • 18 Маусым, 2024
Өңірде денсаулық саласына инвестор тарту жұмыстары қолға алынып жатыр. Бұған дейін заманауи медициналық құрылғыларға инвестиция құйылған еді. Енді қаржыландырушы тараптың көмегімен онкологиялық орталық бой көтереді. Бұл іске «Kazakhmys Holding» инвестор-компаниясы тікелей жауапты болмақ.
Кәсіпкер • 17 Маусым, 2024
Ұлттың ою-өрнегін ауылда отырып-ақ брендке айналдыруға болады. Тек кәсібіне деген адалдық пен сенім керек. Мәселен, ісмер Гүлзат Нүсіпхан қазақы нақышта құрақ көрпе тігіп, үйге қажет көпшік пен бөстекке ұлттық оюларымызды қондырған. Мұны көрген жетісулықтар кәсіпкер келіншектің өнерін жоғары бағалап, осы саланы дамытуға жәрдемдеседі. Бүгінде тауарлары сұранысқа ие, тұтынушылар кезекке тұрады.
Білім • 14 Маусым, 2024
І.Жансүгіров атындағы Жетісу университеті кейінгі жылдары шетелдік әріптестерімен тығыз қарым-қатынас орната бастады. Ондағы мақсат – білімгерлердің біліктілігін шыңдау. Осы ретте оқу ордасына Польшаның Слупск қаласындағы Помор университетінің ректоры Збигнев Осадовский мен проректоры Данута Герчинска келді.
Туризм • 14 Маусым, 2024
Жетісуды аграрлы өңір дегенімізбен, табиғаты көркем өлке екенін де ұмытпаған абзал. Болашақта туризмнің де бір ошағы боларына сенім мол. Себебі жылдан-жылға осы саланың бағыты жанданып келеді. Мәселен, былтырдан бері қолға алынған «Шаған» фестивалі биыл да жоғары деңгейде өтті. Тау туризмін дамытуға бағытталған бастамаға мыңға жуық адам атсалысқан. Қызыққа толы саяхат шетелдіктерді де қызықтырып келеді.
Шаруашылық • 14 Маусым, 2024
Омарта шаруашылығының артықшылығы
Жетісу өңірінде омарташылықпен айналысып жүрген шағын шаруалардың саны 50-ден асады. Олар жетісулықтардың ғана емес, өзге облыстардың да сұранысын қанағаттандырып отыр. Өндірген балы шетел асқан кәсіпкерлер де бар. Ара селекциясымен айналысатын омарташы Сергей Питенконың өнімін Азия мен Еуропа жұрты тұтынады.
