Өзбекстанның астанасы Ташкент қаласында бүгін кәсіпқой бокс кеші өтеді. Осы спорттық шарада отандасымыз Мейірім Нұрсұлтанов та рингке шығады, деп хабарлайды Egemen.kz.
Қарсыласы – Чили боксшысы Хулио Аламос. Кәсіпқой бокста осы уақытқа дейін 19 айқас өткізіп, барлығында жеңіске жеткен Нұрсұлтанның қарсыласы чилилік Аламос та тегеурінді боксшы. Кәсіпқой бокста 16 мәрте жекпе-жекке түсіп, тек 1 айқасында ғана жеңілді. Осы айқаста жеңген боксшының WBC тұжырымы бойынша чемпиондық белбеу үшін жекпе-жекке түсу мүмкіндігі артады. Бүгінде WBC тұжырымы бойынша әлем чемпионы белбеуі америкалық Джермалл Чарлоның еншісінде.