Өртке дейін Алматы хостелінің 2 GIS қосымшасындағы рейтингі ең жоғары деңгейде болған. Қазір қосымшаны қолданушылар пікір алаңына наразылықтарын жарыса жазып, рейтинг көрсеткіші 4,3-ке дейін төмендеген, деп жазады Egemen.kz.
Қосымшада орналастырылған суреттерге назар салсақ, төсек-орындар бір-біріне тым жақын, тығыз орналасқан.
Жертөледе жасақталған хостелдің кей бөлмелерінде, тіпті, терезе де жоқ.
Қосымшада хостелде 100 төсек-орын бар екені көрсетілген. Төлем ақысы күніне 2000 теңгеден басталады. Ал айына 25 мың теңге болған.
Айта кетейік, осы хостелде бүгін таңғы сағат 5:33-те өрт болып, 13 адам қаза тапты.